Braga

Bracara Augusta ye un de los tres centros urbanos de la rexón del noroeste peninsular, fundóse como parte d’una organización alministrativa, qu’entamó l’Emperador César Augusto.

La razón pola que ye tan conocida dende bien ceo ye qu’equí nacen seis rutes que van en direición a dellos puntos de la península.

Como capital de los convenios llegales, tien importantes funciones xudiciales, fiscales, alministratives y relixoses. So’l mandatu de los Flávios esperimenta un desendolcu económicu y urbanu perimportante, que tiempu depués va xustificar la so elevación a capital de la provincia de Galécia, de mano de Diocleciano.

Bracara Augusta entá ye, nel sieglu IV, una ciudá puxante que se convierte na sede l’Obispáu. Años depués, tres la cayida l’imperiu romanu n’occidente y les invasiones bárbares, apaez como capital del reinu suevu, cuando estos pueblos s’asienten na rexón. Sicasí, na metada’l sieglu VI, la ciudá tovía ye un centru relixosu y cultural.

Paez que, más que les invasiones bárbares, foron los ataques y estrozos árabes los responsables principales del abandonu xeneralizáu.

Demientres la Edá Media, sacrificóse parte de la ciudá romana Bracara Augusta en beneficiu de la ciudá medieval y enterráronse delles granxes y patios. Dende los años setenta del sieglu caberu, col afitamientu del primer equipu d’arqueoloxía peninsular y la intervención sistemática n’árees urbanes, Bracara Augusta empecipia a redescubrise gradualmente, y güei, gracies a ello, ye’l centru urbanu col mapa del sosuelu arqueolóxicu más conocíu a nivel nacional.

El trabayu intensivu que fizo esti equipu punteru, con base na universidá de Minho, demientres más de cuatro décades dio con una ayalga arqueolóxica inmensa que se pue ver nes esposiciones continues qu’hai nel modernu y funcional Muséu d’Arqueoloxía de D.Diogo de Sousa y nun conxuntu ruines que se caltienen nunos espacios arqueolóxicos afayaos con xeitu nel muséu.

BRACARA AUGUSTA – Braga, Portugal

• Ruines arquelóxiques de Frigideiras del Cantinho
• Fonte l’Ídolu
• Muséu Pío XII
• Ruines arqueolóxiques d’ Oficina Paularte
• Domus de la Escuela Vieja da Sé
• Islla de las Carvalheiras
• Balnerariu prerromanu de la Estación
• Termes Romanes d’Alto da Cividade

• Muséu  d’Arqueoloxía D. Diogo de Sousa

Ruinas arqueológicas de Frigideiras del Cantinho

Ye’l núcleu de ruines d’un domus romanu y ta integráu nel muséu sol suelu d’una de les panaderíes más antigües de Braga. Equí queden restos d’estancies, y un hipocaustu d’un balneariu, que pertenez a la estructura de la vivienda que se construyó nos sieglos III / IV d. C.

Horariu

• Martes a xueves: 8 a 20 h.
• Vienres a domingu: 8 a 22 h.
• Llunes pesllao.

Fonte l’Ídolu

Ye un santuariu rupestre d’orixe prerromanu dedicáu a la diosa indíxena Nabia, venceyada dafechu al cultu al agua y la fertilidá. Integróse nel muséu nos primeros años de la fundación de la ciudá gracies a un inmigrante nomáu Celico Fronto, que mandó estrozar les escultures y les inscripciones que se víen frente al santuariu.

Más tarde, los descendientes d’esti inmigrante anovaron el monumentu construyendo un llagu frente a la fachada la fonte.

Horariu

• Llunes a vienres: 9:30–13:00h. y 14:00–17:30h.
• Sábadu: 11:00-17:30h.
• Domingu: Pesllao

Muséu Pío XII

El Muséu Pío XII ufierta al visitante un percorríu pela historia, cuntada dende’l períodu del Paelolíticu hasta la Edá de Fierro, dende la romanización hasta la era cristiana. Cada época documentóse con resclavos abondos. Ente lo que s’exhibe, hai un gladiador (fechu en bronce), un gran dolium y un mosaicu romanu que resultó ser  de les escavaciones del claustru del Seminariu Conciliar de San Pedro y San Pablo. Estes escavaciones descubrieron un Domus romanu.

Ruines arqueolóxiques d’ Oficina Paularte

Los vestixos de calzada y torrexón tán venceyaos con un texíu de la muralla romana, que data de mediaos del sieglu III d. C. Estos puen ser resclavos de la puerta que correspuenden a un cargu máximu de Bracara Augusta y pela que sal la calzada romana XIX antigua (ruta Antonino) hacia Lucus Augusti.

Domus de la Escuela Vieja da Sé

Nel contestu d’una intervención arqueolóxica qu’entamó’l Gabinete d’Arqueoloxía del Ayuntamientu de Braga, estes ruines retraten momentos d’evolución del texíu urbanu bracarense, como por exemplu los restos d’una estructura habitacional que data del s. I y principiu del IV d. C., y tamién los vestixos de l’antigua cerca medieval y d’un torrexu del s. XIV.

Horariu

• De martes a vienres: de 09:30 h a 11:30 h y de 14:30 h a 16:30 h.

Islla de las Carvalheiras

Les escavaciones permitieron descubrir resclavos d’una zona residencial arrodiada por l’adriu (siglo. I / VI d.C.), definiendo d’esti mou un bloque urbanu (insulae) de l’antigua Bracara Augusta.

Depués de que les clasificaren como Propiedá d’Interés Públicu dende 1990, les ruines arqueolóxiques de la islla de las Carvalheiras, tán anguaño en fase de musealización.

Balnerariu prerromanu de la Estación

Monumentu de raigañu indíxena que s’identifica como parte d’un conxuntu arqueolóxicu qu’atopó la Unidá d’Arqueoloxía de la Universidá de Minho nel añu 2000, cuando se reconstrúi la estación de tren de Braga. Estes ruines correspuenden a un balneariu con funciones rituales y tán anguaño integraes nel suétanu del edificiu la estación.

Termes Romanes d’Alto da Cividade

Na llomba d’Alto da Cividade, dientro d’un gran espaciu protexíu y valláu, atópase una de les termes publiques romanes que conocemos. L’edificiu descubrióse en 1977, de la que se ficieron les primereres escavaciones. Anguaño, los baños romanos d’Alto da Cividade considérense Monumentu Nacional y tán abiertos al públicu.

Horariu

• Martes a vienres de 9:00 a 13:00h. y de 14:00 a 18:00h.
• Sábados, domingos y festivos de 10:00 a 17:00h.

Muséu d’Arqueoloxía D. Diogo de Sousa

Inauguróse en xunu del 2007. Esti muséu ta tuteláu pola Direición Rexonal de Cultura Norte, tien una coleición que resultó de la investigación arqueolóxica que se vien faciendo nel conceyu de Braga. El so patrimoniu abarca un periodu perampliu que va dende’l Paleolíticu hasta la Edá Media.

Horariu

•  De 10.00h a 17.30h.

AGOSPIOS

Hoteles y residenciales

Agospiu rural

Albergues y cases de güéspede

Otros agospios

Campin y aparcaderu pa caravanes ​

RESTAURANTES

Oficina de Turismu

Horariu

• Llunes a vienres: 9:00 a las 13:00h. y de les 14:00 a les 18:30h.
• Sábadu y Domingu: 9:00 a las 13:00h. y de les 14:00 a les 18:00h.

Cómo llegar

Gracies a la so ubicación xeográfica, Braga ye una ciudá afayadiza pa dir en coche, tren, taxi o autobús.

La ciudá ta coneutada por 5 autopistes: la Norte (A3), la Sur (A3 y A1 de Lisboa), la Este (A11 y A7) y la Oeste (A28).

El tresporte ferroviariu coneuta Braga con delles partes del país al traviés de los Servicios CP (Alfa Pendular, Inter-ciudaes, Trenes urbanos de Porto).

En términos de tresportes per carretera, la Estación Central d’Autobuses de Braga acueye les compañíes Arriva, Citi express, EBA, Get Bus, Internorte, Rede Expressos, Renex, Rodonorte, Salvador Alves e Fihos Lda y Transdev, asegurando la conexón ente varios destinos rexonales, nacionales ya  internacionales.

L’Aeropuertu Francisco Sá Carneiro ye la exa principal de la rexón noroeste de la Península Ibérica, recibe les compañíes d’aviación más importantes y tamién les de vuelos baratos (a 30 minutos de Braga per autopista, al rodiu 50 km). Ye fácil llegar al aeropuertu dende l’autopista A3, al traviés del metro de Porto y de los trenes de CP o tamién col serviciu de shuttle que facilita Get Bus.

L’aeropuertu de Vigo atópase a unos 100 km y hai autobuses que coneuten a diario les dos ciudaes.

El Puerto de Leixões ye la mayor infraestructura portuaria del Norte Portugal y ún de les más importantes del país (a 45 minutos de Braga per autopista).

No que cinca al tresporte públicu, el municipiu tien un serviciu de tresporte urbanu.

Tresporte