Nel pandu que destaca perriba del valle’l ríu de Mouros, nuna tierra granible, regao por canales d’agua, nacía, aprovechando les ruines de la villa romana de Conimbriga, el pobláu de Condeixa.

Nel sieglu XI, donáronse les tierres de Condeixa al Monasteriu de Santa Cruz de Coimbra y cayó nesti la responsabilidá meter en breda y colonizar el territoriu. Ye desa cuando los flaires funden Condeixa. Pero nun ye hasta agostu de 1219 cuando apaez el topónimu Condeixa-a-Nova. Daquella, nel sieglu XIII, nun abarca más de 800 metros cuadraos.

El Padre António Carvalho da Costa diz que’l biltu de Condeixa-a-Nova ta nun llugarín nomáu Outeiro.

D. Manuel I donó al so primu D. Jorge (fíu bastardu d’Ana de Mendonça y D.João II, Señor de la Villa d’Aveiro y Duque de Coimbra) delles tierres, ente elles Condeixa-a-Nova. Esti mesmu monarca dota a la ciudá d’un fueru nel añu 1514, cuando tamién s’afiten en Condeixa-a-Nova dellos decretos.

CONIMBRIGA – ​​Condeixa-a-Nova, Portugal

Conimbriga
Conimbriga

Muséu Monográficu de Conimbriga –Muséu Nacional

Muséu Monográficu de Conimbriga –Muséu Nacional

Esposición de siguío.

El Muséu Monográficu de Conimbriga xestiona les ruines de la ciudá romana. Les coleiciones son bien variaes ya illustren la evolución histórica del llugar dende los años caberos del sieglu II a. C. y el sieglu VI de la era cristiana. Conímbirga ta considerada Monumentu Nacional dende 1910 y ye l’emplazamientu arqueolóxicu más importante y más visitáu de Portugal.

Insertu nun pandu abellugáu por defenses naturales, el nuedu urbanu que dio orixe a Conimbriga desendolcóse a partir de los años caberos de la Edá de Bronce (sieglu IX a. C.). Nel sieglu II a. C., los romanos conquistaron el pobláu, qu’algamó’l so mayor esplendor demientres los sieglos primeros de la nuestra era.

Afeutada pola fonda crisis político-alministrativa de los sieglos últimos del Imperiu, Conimbriga carez les consecuencies de les invasiones bárbares. Nos años 465 y 468, tomen y arrasen parte de la ciudá, acentuando la decadencia de la vida urbana, que sigue hasta que’l sitiu queda abandonáu dafechu, na dómina medieval.

La mayoría les ruines que s’escavaron daten d’época romana. Les persones que lu visiten puen contemplar los vestixos de numberosos edificios de naturaleza pública o privada, el fórum, les termes, l’acueductu, l’anfiteatru, edificios comerciales ya industriales, lo mesmo que residencies privaes bayuroses, ente les que rescampla la Casa dos Repuxos, conocida poles fontes qu’hai nos xardinos del peristilu, pol pisu de mosaicos xeométricos y figurativos y pol revistimientu d’estucu moldiaoy pintao.

Fundáu nel añu 1962, el Muséu Monográficu de Conimbriga ye un serviciu que depende del Institutu dos Museus e da Conservaçã, que tien l’envís de xestionar les ruines de la ciudá romana, promover la so esposición pública y siguir cola investigación arqueolóxica sobre’l sitiu. La esposición que ta de siguío amuesa namás qu’oxetos que provienen de la escavación de Conimbriga y que tán xebraos en dos estayes. Na primera espónense dellos cientos d’oxetos que rellaten les vivencies cotidianes de les persones que vivíen na ciudá romana (l’usu la moneda, les actividaes industriales y comerciales, el vagar…); la segunda distribúyise per tres sales dedicaes a l’arquiteutura pública, a l’arquiteutura privada y a los cultos relixosos.

Conímbriga
3150-220 Condeixa-a-Velha

Coordenaes GPS:
Llatitú 40.0983494
Llonxitú -8.4924453

http://www.conimbriga.gov.pt
Teléfonu: +351 239 941 177
infogeral@conimbriga.pt

Horariu

  • De llunes a domingu, de 10 h a 19 h
  • Pesllao: 1 de xineru, domingu de Pascua y domingos de mayu y 25 d’avientu.
  • Tutela: Dirección Xeneral del Patrimoniu Cultural

Ruines Romanes de Conimbriga –Muséu Nacional

Ruines Romanes de Conimbriga –Muséu Nacional

El llugar de Conimbriga, que ta habitáu dende’l Neolíticu, de xuru algamó presencia humana nel Calcolíticu y na Edá de Bronce, dómines orixinaries de los testamentos más antiguos que nos tienen llegao. Ye cierto que los celtes tuvieron equí, aspeutu que s’aldovina nos topónimos acabaos en “briga”. Polo tanto, Conimbriga, al rodiu del añu 138 a. C., yera un castru na dómina na que llegaron los romanos y s’apoderaron del oppidum. El conxuntu de les ruines de Conimbriga, que tienen el Muséu Monográficu construyío a la so vera, y el Castellum d’Alcabideque formen un complexu arqueolóxicu de gran valir, que permite reconstituyir un santuariu bien importante del grandiosu Imperiu romanu. Xunto con Mirobriga (Santiago do Cacém) y Tongobriga (Freixo, Marco de Canaveses), forma’l gran triángulu de la memoria romana en Portugal. Lo imponente y lo pragmáticu de l’arquiteutura romana ta bien representao en Conimbriga, asina como la superioridá de la so capacidá civilizadora, que s’aldovina nos detalles más diversos de la vida cotidiana. Poro, según aclara’l testu nel epígrafe, habitada dende tiempos bien antiguos, la fundación de Conimbriga y de la mayoría de les construcciones llevantaes nella remóntase a los tiempos del emperador Augusto (sieglos I a. C. – I d. C.)

Entamaes en 1928, les excavaciones arquelóxiques foron descubriendo una parte mui significativa de la tradición d’esta ciudá, faciendo posible que los y les visitantes d’estes ruines puedan comprobar una planificación urbanístia mui bien trabayada y qu’atienda a toles necesidades: el fórum, l’acueductu, los barrios comerciales, industria, viviendes, un albergue, delles termes, un anfiteatru y les muralles pa llendar y defender la ciudá.

D’esti conxuntu sobresal, pola complexidá de la so construcción y la finura de los sos ornamentos, un barriu de cases señoriales de gran poder alquisitivu que s’opón diametralmente a les islles de la plebe. Destaca n’especial “A casa dos Repuxos”, con un gran peristilu axardináu y con un firme de mosaicos policromos conservaos nel mesmu sitiu qu’amuesen motivos mitolóxicos, xeométricos o, con gran simpleza, lo real y cotidianu.

Conímbriga
3150-220 Condeixa-a-Velha

Coordenaes GPS:
Llatitú 40.0983494
Llonxitú -8.4924453

http://www.conimbriga.gov.pt
Teléfonu: +351 239 941 177
infogeral@conimbriga.pt

Horariu

  • De llunes a domingu, de 10 h a 19 h
  • Pieslla: 1 de xineru, domingu de Pascua, domingos de mayu y 25 d’avientu.
  • Tutela: Dirección Xeneral del Patrimoniu Cultural

PO.RO.S –Muséu Multimedia Portugal Romano en Sicó –Muséu Municipal

PO.RO.S –Muséu Multimedia Portugal Romano en Sicó –Muséu Municipal

Esposición de siguío.

Hai cerca de 2 000 años que los romanos aportaron a las Terras de Sicó. Na llende del Imperiu, Conimbriga camudó nun centru romanizáu dafechu.

El PO.RO.S – Muséu Portugal Romanu en Sicó ye un viaxe a la dómina romana nes Tierres de Sicó que da a conocer l’alcuentru de cultures que moldió la historia del territoriu. La teunoloxía afala los sentíos y da a la esposición un calter vivu y dinámicu capaz d’axuntar conocencia y entretenimientu y, con ello, contribuyir al caltenimientu y divulgación de la memoria histórica de la romanización. El PO.RO.S ye un espaciu atrayente y anovador que nos lleva nuna aventura pela memoria de la romanización y la herencia que se conserva hasta güei.

Quinta da São Tomé, Avª. Dos Bombeiros Voluntários
3150-160 Condeixa-a-Nova

Coordenaes GPS:
Llatitú 40.1118871
Llonxitú -8.4937507

www.poros.pt
Teléfonu: +351 239 949 122
info@poros.pt


Facebook

Horariu

Periodu de branu

  • Abril a setiembre: de martes a domingu: 10.00 – 19.00h

Periodu d’inviernu

  • Ochobre a marzu: de martes a domingu: 10.00 – 18.00h.

Oficina de turismu

Centro Cívico de Condeixa-a-Nova
Praça do Município
3150-113 Condeixa-a-Nova

Coodernaes GPS:
Llatitú 40.1128824
Llonxitú -8.5007905

www.cm-condeixa.pt 
Teléfonu: +351 239 940 143
turismo@cm-condeixa.pt

Horariu

  • Díes llaborables: 10:00 – 13:00 h | 14:00 – 18:00 h
  • Sábadu y domingu: 10:00 h – 17:00 h

LLOCALIZACÓN

El conceyu de Condeixa-a-Nova ta asitiáu na fastera llitoral de la rexón centro, a 200 km al norte de Lisboa, a 120 km al sur de Porto y namás a 10 km de la ciudá de Coimbra, nucleu urbanu primeru d’esta rexón. Llenda colos conceyos de Coimbra al norte, al este colos de Miranda do Corvo y Penela, al sur tamién con Penela y col conceyu de Soure y al oeste también con Soure y Montemo-o-Velho.

A nivel global, el conceyu pue presumir d’un accesu privilexáu. L’autopista A1 Lisboa-Porto pasa peles puertes de Condeixa y tien un ramal mui próximu a la sede del conceyu.

Tamién ta la carretera N347 qu’asegura bones xuniones pa Penela y una vía de peaxe nueva, l’A13-1 que xune Condeixa con Tomar hacia’l sur y con Coimbra al hacia’l norte ensin escaecer Miranda do Corvo o Lousã.

Per carretera nacional, anque tamién se puer tomar la A14 al norte de Coimbra, la Figueira da Foz y les sos sableres tampoco queden mui lloñe. Lo mesmo se pue dicir de la Sierra de Lousã, que coles sos aldees d’esquistu o pizarra, paisaxes y viesques que llamen l’atención, pue ún averase pela villa homónima, per Miranda do Corvo (N342 o A13-1) o al traviés de Penela, Espinhal y Castanheira de Pera (N347) .

El ferrocarril del norte y del oeste tampoco tan lloñe, con conexones y tresbordos na estación de Coimbra.

Share on facebook
Facebook
Share on twitter
Twitter
Share on email
Email
Share on whatsapp
WhatsApp
Close Menu

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies ACEPTAR

Aviso de cookies