Ente los sieglos I a.C. y IV d.C. l’imperiu romanu asentó en tierres vascones fundando la ciudá d’Oiasso, qu’anguaño se conoz como Irun. Asitiada na provincia de Gipuzkoa, Euskadi, la ciudá ta na boca’l ríu Bidasoa, llendando con Francia y la Comunidá Foral de Navarra. Ye la segunda ciudá más importante de Gipuzkoa, tres la so capital, que ta a unos 17 km, con una población de 62.000 habitantes, y una situación estratéxica al ser ún de los pasos fronterizos más importantes.

Les investigaciones arqueolóxiques de les décades caberes permitieron identificar la Oiasso de les fontes clásiques, citada por Estrabón, Plinio y Ptolomeo. Estrabón, xeógrafu na dómina d’Augusto y Tiberio, citó a la polis d’Oiasso como una de les ciudaes de la rexón de Pompelo (Pamplona/Iruña) «nel borde mesmu l’Océanu» y qu’«acaba xusto na llende ente Aquitaine ya Iberia». La buelga romana inda se mantién nos numberosos restos que se tienen atopaos, ente los que destaquen la necrópolis na ermita de Santa Elena, les esplotaciones mineres del entornu d’Aiako Harria, el puertu apaecíu nes cais Santiago y Tadeo Murgia d’Irun y les termes asitiaes tres l’actual Muséu Romanu Oiasso.

Ente les actividaes más destacables ta’l Dies Oiassonis, festival de reconstrucción histórica que vien celebrándose dende l’añu 2010 nel mes de xunetu, y que permite descubrir, conocer y esfrutar del so pasáu romanu d’una manera diferente. Otra cita importante ye’l Festival Internacional de Cine Arqueolóxicu del Bidasoa (FICAB) actividá, que dende’l 2001 se celebra davezu na seronda, y que tien por oxetu dar a conocer y acercar l’arqueoloxía a la sociedá, al traviés de la difusión d’obres audiovisuales que divulguen los resultaos de les investigaciones de los arqueólogos.

OIASSO – Irun, Euskadi

Oiasso Irun
Oiasso

Muséu romanu Oiasso

Muséu romanu Oiasso
Muséu romanu Oiasso

El Muséu Romanu Oiasso d’Irun ye una entidá municipal arqueolóxica qu’axunta los restos de la época romana atopaos de la ciudad d’Oiasso, cola misión de dar a conocer el patrimoniu arqueolóxico de la zona y convertise nel centru de referencia del conocimientu y divulgación de la dómina romana nel golfu de Bizkaia. El muséu ufre la oportunidá de conocer de forma amena Oiasso, al traviés de los distintos espacios que se centren nel impautu del mundu romanu sobre la sociedá indíxena, la rucha arqueolóxica del puertu y la vida na ciudá demientres los sieglos I y II de la nuestra dómina.

Calle Eskoleta, 1
20302 Irun

Coordenaes GPS:
Llatitú: 43,340046
Llonxitú: -1,787799

www.oiasso.com
info-oiassomuseo@irun.org
Teléfonu: +34 943 63 93 53


Facebook     Twitter    Flickr   Youtube

Horariu

OCHOBRE A MAYU

  • Martes, miércoles, xueves y domingos: 10 a 14 hores
  • Vienres y Sábados 10 a 14  /  46 a 19 hores
  • Zarráu llunes y domingos a la tarde

XUNU A SETIEMBRE

  • De martes a sábadu: 10 a 20 hores
  • Domingos: 10 a 14 hores
  • Zarráu llunes y domingos a la tarde

Necrópolis Santa Elena

Necrópolis Santa Elena
Necrópolis Santa Elena

Nel interior de la ermita medieval de Santa Elena llocalizóse la necrópolis o cementeriu d’Oiasso. Atopáronse urnes con cenices xunto con axuares funerarios qu’incluyíen cacíos de cerámica, acus crinalis o aguyes de güesu pal pelo, y fíbules, por citar dalgunes de les pieces alcontraes.

Guarda nel so interior coleiciones d’oxetos sobresalientes que falen del nivel de vida algamáu polos sos ocupantes, mui en sintonía colos ambientes urbanos de les ciudaes romanes de la oriella atlántica.

Xunto colos enterramientos, atopáronse los cimientos de dos edificios, que se cree que foron mausoleos. Un d’ellos, de mayores dimensiones, reutilizolu nel sieglu X Guillermo Sancho, Duque d’Aquitaine, como templu cristianu, incorporando un altar. L’usu relixosu del espaciu mantiénse güei cola construcción de la ermita que vemos anguaño.

Calle Ermita, 2
20304 Irun

Coordenaes GPS:
Llatitú: 43.335478
Llonxitú: -1.785275

www.oiasso.com
info-oiassomuseo@irun.org
Teléfonu: +34 943 63 93 53


Facebook     Twitter    Flickr   Youtube

Horariu

  • Visites guiaes (baxo cita previa nel teléfonu 943 63 93 53).
  • Tolos sábados a les 11:00 h.

Mines d’Irugurutzeta

Mines d’Irugurutzeta

L’espaciu patrimonial d’Irugurutzeta inclúiun conxuntu de galeríes mineres y fornos de calcinación de mineral. La visita realízase nel Tren Mineru que recueye a les persones que participen na visita al propiu muséu y les lleva hasta’l paraxe natural onde s’alcuentra la esplotación minera.

Anque les esplotaciones mineres d’Aiako Harria y el so entornu entamen na dómina romana, les estructures que puen visitase n’Irugurutzeta tienen que ver cola actividá minera del sieglu XX, dedicada a la estraición de fierro.

El mineral tresportábase dende los llugares d’estraición hasta los fornos con vagonetes sobre víes de ferrocarril o de forma aérea, con un tendíu de cables de los que colgaben calderos. En tandoellí, calcinábase nos fornos pa convertilo n’óxidu y aumentar asina la so llei metálica.

Barrio Meaka, 110
20305 Irun

Coordenaes GPS:
Llatitú: 43.3179905
Llonxitú: -1.7722181

www.oiasso.com
Teléfonu: +34 943 63 93 53
info-oiassomuseo@irun.org


 Facebook      Twitter     Flickr    Youtube

Horariu

  • Visites guiaes (con cita previa nel teléfonu 943 63 93 53).
  • Tolos domingos a les 11:00 h.

Termes

Termes

Las termes nel mundu romanu yeren baños con estancies con agua a distinta temperatura. Tamién servíen como llugar pa la práutica del exerciciu físicu y el vagar.

Les termes públiques d’Oiasso atopáronse y escaváronse nel xardín traseru del muséu y tán a la espera de ser acondicionaes pa recibir visites. Nes escavaciones identificáronse tres estancies con hipocaustu, el sistema de calefactáu consistente nun suelu güecu pel que circulaba aire caliente.

La estancia de mayor tamañu, el frigidarium o sala d’agua frío, conserva’l pavimentu d’opus spicatum, con lladriyos colocaos en forma d’espiga. Anguaño, pue entendese la so distribución y apariencia gracies a una reconstrucción virtual en realidá aumentada.

AGOSPIOS

La Comarca del Bidasoa ufre al visitante variaes fórmules d’agospiu con una amplia ufierta d’hoteles, pensiones y apartamentos repartíos per tola ciudá. Amás, dos campins, dos albergues y munches cases rurales y agroturismu que permiten esfrutar d’un entornu fechu a la midida del visitante, enllenu d’espacios verdes y ensin baruyos en cualquier época del añu.

Espertar nel medievu, rebolgar d’una xornada de compres, adientrase nel pasáu romanu, prauticar senderismu, esfrutar d’una conversación prestosa col pelegrín que sigue’l Camín de Santiago, descubrir un requexu dende’l que se puedan avistar páxaros nun resulta difícil si s’agospia na nuestra comarca. ¡Que nun se t’adelanten!

Hoteles

Pensiones

Mediu rural

Campins

Albergues

Pelegrinos

RESTAURANTES

Cocina tradicional

Si dalgo tien carauterizao de siempres a la cocina bidasotarra ye la calidá de los sos productos, frutu de la cultura marinera de la so población. Pescáu y mariscu nun falten en nengún restaurante, a los que, ensin dulda, van acompañar productos de la tierra y la meyor carne de la rodiada. Conxugar acertao los productos de la  mar y los de la tierra foi un trabayu que los homes y muyeres del Bidasoa supieron facer con sabiduría.

Cocina anovadora

L’arte culinariu evolucionó hacia una nueva cocina d’alta calidá, la cocina d’autor, col oxetivu de caltener los sabores d’un productu frescu, natural y de calidá, manipuláu na so xusta midida. Verdaderos artistes de los fogones, collaboren en conservar y recuperar vieyes recetes col envís de dar un aire nuevu a la cocina, revalorizando ya anovando platos d’orixe humilde. Templos de la gastronomía dispuestos a satisfacer el paladar más refináu.

Sidreríes

Otru “ritu” gastronómicu mui popular na comarca bidasotarra ye la “sidrería”. Nestos establecimientos, qu’arranquen la temporada en xineru, aprovéchase ente bocáu y bocáu pa beber directamente la sidra dende la “Kupela” o barril. Tortiella de bacaláu, bacaláu con pimientos, una sabrosa chuleta y pa detrás quesu, nueces y membrillu. Too acompañao d’un ambiente singular que van facer repetir la esperiencia.

Otros establecimientos

Amás de la ufierta d’alta cocina y cocina tradicional o llocal, tamién pue alcontrar na nuestra comarca un gran abanicu d’ufierta gastronómica.

Oficina de Turismu

Plaza Luis Mariano, 3
20302 Irun

Coordenaes GPS:
Llatitú 43.3397941
Llonxitú-1.7947363

www.bidasoaturismo.com 
Teléfonu: +34 943 02 07 32
turismo@bidasoa-activa.com


Facebook     Twitter

Oficina de Turismu - Irun

Horarios

  • Horariu d’iviernu
    16 setiembre – 29 xunu
    Martes – sábadu: 10:00 – 13:30 h / 15:30 – 19:00 h
    Llunes: 15:30 – 19:00 h
  • Horariu de branu
    2 xunetu – 15 setiembre
    Llunes- sábadu: 10:00 – 13:30 h / 15:00 – 19:30 h
    Domingu: 10:00 – 14:00 h

Cómo llegar

Irun asítiase na provincia de Gipuzkoa, na Comunidá Autónoma d’Esukadi, a la vera la desembocadura’l ríu Bidasoa y la bahía de Txingudi, llendando con Francia y la Comunidá Foral Navarra.

Irun ye un puntu clave del tresporte ferroviariu y de carretera, faciendo de puntu d’orixe o de destín de gran cantidá de viaxes nacionales ya internacionales y a menos de 30 kilómetros de los aeropuertos de Biarritz y de Donosti, n’Hondarribia. Amás, la ciudá trabaya por facilitar la movilidá urbana sostenible, favoreciendo la creación de víes pa medios non contaminantes, carriles bici y víes peatonales.

N’avión

  • Aeropuertu de Donostia (Hondarribia)
  • Vuelos diarios hacia Madrid y Barcelona
  • Aeropuertu internacional de Biarritz
  • A 25 min. de la bahía por l’A63
  • Vuelos diarios hacia Paris – Orly y Roissy (EasyJet y Air France)
  • Vuelos diarios hacia Lyon y Clermont-Ferrand
  • Vuelos diarios hacia Londres (Ryan Air y EasyJet)
  • Vuelos selmanales hacia Dublin (Ryan Air)
  • Vuelos selmanales hacia Helsinki (Blue1)
  • Vuelos selmanales hacia Marseille (Ryan Air)
  • Vuelos selmanales hacia Lille (Compañía Rexonal)
  • Amás de Paris, Lyon, Londres, Clermont-Ferrand, Marseille, Nice, Genève, Bristol, Dublin y Birmingham, un destín nuevu enllaza con Biarritz dende 2010:
  • Amsterdam cola compañía Transavia.com, tres vuelos a la selmana.

En tren

  • Estación de tren d’Hendaya
  • A.V.E. delles veces/día, dende Paris Montparnasse. ¡Namás 5 hores de tren ente Bidasoa-Txingudi y Paris!
  • Hendaya – Paris- Genève – Vintimille
  • www.voyages-sncf.com
  • Estación de tren d’Irun
  • Irun – Madrid, España y Portugal
  • www.renfe.es

En coche

Les autopistes A63 (www.asf.fr/A63) y A64 (www.asf.fr/A64) venceyen la badía de Bidasoa-Txingudi con Bourdeaux, Paris, Toulouse o Perpignan hacia’l Norte, y la autopista A8 con San Sebastián (Donostia), Pamplona (Iruña), Bilbao (Bilbo), Madrid o Barcelona hacia’l Sur.

En barcu

  • Jolaski – 0034 639 617 898 – www.jolaski.com
  • Marie Louise – 0033 (0)6 07 02 55 09

 Aparcamientos  

Trensporte  

Share on facebook
Facebook
Share on twitter
Twitter
Share on email
Email
Share on whatsapp
WhatsApp
Close Menu

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies ACEPTAR

Aviso de cookies