Fundada polos romanos col nome de Lucus Augusti, la ciudá de Lugo tien más de dos mil años d’historia y patrimoniu. La Muralla Romana ye’l meyor testigu de la so evolución, yá que dende que s’afitó mantúvose firme ensin conquista a lo llargo de los sieglos, convirtiéndose nel símbolu por escelencia d’esta capital gallega. Amás de la muralla, son munchos los encantos de Lugo, que merez que se-y dediquen unos díes pa perderse peles sos cais. Ven con tiempu y conoz toles posibilidaes qu’ufren los sos monumentos, gastronomía, naturaleza y la so xente.
Más de dos mil años d’historia dan pa muncho. Poro, visitar Lugo camuda nun viaxe al pasáu y precisa emplegar un tiempu pa descubrir con calma tolos requexos máxicos qu’escuende esta ciudá bimilenaria. Un de los gocios que descubre’l viaxeru que se dexa enamorar pola capital amurallada ye’l d’escaecer les prieses. Lugo ufierta la maxa de les ciudades nes que’l tiempu paez qu’apara, onde los visitantes puen entregase al lluxu de pasear al debalu peles sos pacetibles cais y descubrir selequino los mil y un requexos conquistadores.
Y si dalgo carauteriza a Lugo ye la estraordinaria hospitalidá cola qu’acueye a los sos visitantes; la muralla romana tien siempres les puertes abiertes. Lugo presume arguyosa de la única muralla romana del mundu que conserva dafechu’l so perímetru, y que se convirtió n’emblema de la ciudá, sobre too dende que nel añu 2000 la Unesco la declaró Monumentu Patrimoniu de la Humanidá. Cuando descubre estos muros, el viaxeru nun dexa de sentise ablucáu pola guapura sólida y serena d’esta construcción defensiva, y al percorrer les sos piedres cola mirada pue atalantar el pasu de la historia. La sorpresa medra cuando se sube al adarve de la muralla y la percuerre nos sos más de dos kilómetros de perímetru. A vista de páxaru pue acolumbrase dende la muralla los colores de los praos y el tarrén llucenses, los teyaos y les chimenees del cascu antiguu o les soberbioses torres de la catedral. Nun hai nada más romántico pa los enamoraos qu’un paséu pela muralla sol cielu estrelláu. El silenciu de la nueche y de les piedres foron cómplices de xeneraciones y xeneraciones de lucenses que, embaxo la lluna, esfrutaron d’esti paséu únicu nel mundu.
Histórica, monumental, gastronómica… Los viaxeros qu’apuerten a Lugo atopen una ciudá con una maxa especial pola guapura de la so muralla, del cascu históricu y del pasu del ríu Miño. L’alcordanza que va perdurar na so memoria yela d’una ciudá acoyedora onde naide nun ye estrañu y que siempres tien les sos puertes abiertes.
LUCUS AUGUSTI – Lugo, Galicia
- La muralla romana
- Centru d’ Interpretación de la Muralla
- La ponte romana
- Termes romanes
- Santlla de de Bóveda
- Muséu Provincial
- Sala d’esposiciones Porta Miñá
- Casa de los Mosaicos – Batitales
- Centru Arqueolóxicu San Roque
La muralla romana
El corazón de Lugo, l’antigua Lucus Augusti, ta arrodiáu por una muralla romana de más de dos kilómetros de perímetru. Quien conoza les guapes muralles medievales que se conserven en munches ciudaes europees va quedar ablucáu pol tamañu d’esti monumentu únicu.
Esta impresionante fortaleza urbana, yá una de les mayores nel so tiempu, ye güei la única que conserva dafechu’l so perímetru nos tres continentes pelos que s’estendió’l territoriu del Imperiu Romanu.
Por esta razón, el 2 d’avientu del 2000 la UNESCO inscribió oficialmente la muralla de Lugo na llista de monumentos declarados Patrimoniu de la Humanidá, según l’acuerdu tomáu’l 30 de payares anterior.
Sábese de sobra qu’alredor de quince años enantes de la nuestra era el legáu imperial Paulo Fabio Máximo fundó la ciudá de Lugo, Lucus Augusti n’honor del emperador reinante, que sedría la capital de la Gallaecia Lucense.
La Gallaecia de la dómina, que taba acabante d’incorporarse al Imperiu romanu per mediu de les llamaes Guerres Cántabres, dividióse en tres grandes circunscripciones o conventos xurídicos: el bracarense, l’asturicense y el lucense. El país qu’anguaño llamamos Galicia ocupa tol territoriu de la Gallaecia Lucense, una pequeña parte de la Bracarense y otra entá más pequeña que l’Asturicense.
Lucus Augusti foi una gran ciudá provincial, asitiada estratéxicamente nun importante nuedu de comunicaciones; recordemos que, según cuenta Plinio, Roma obtenía de les mines de la Gallaecia diez mil libres d’oru al añu.
Ente finales del sieglu III y principios del IV, cuando la ciudá yera yá tricentenaria, fíxose una reforma que desplazó llixeramente la so planta hacia’l norte, anque siguió cuadrando na so mayor parte cola ocupación primitiva.
Yeren yá tiempos críticos dende’l puntu de vista políticu y militar, y alredor de Lugo llevantóse una nueva y poderosa defensa: una impresionante muralla de piedra de 2 266 metros de circuitu, coronada por 85 torres semicirculares d’ente diez y trece metros de diámetru, que n’orixe llevantaben sobre l’adarve con grandes ventanes en caúna de les sos dos o tres plantes. Les torres teníen accesu dende l’interior de la ciudá per escaleres abiertes a media altura na muralla, que sedríen completaes quiciabes por escaleres móviles de madera. L’espesor mediu de los muros ye de seis metros; l’adarve, qu’agora s’atopa ente ocho y doce metros sobre’l nivel del suelu esterior, tendría nel so momentu una altura más regular, y taría coronáu y defendíu por almenas. Per fuera, fosos de más de venti metros d’anchor y unos cinco de fondura torgaríen tanto l’aproximación de máquines d’asediu como la excavación de mines. Les cortines, o llenzos de la muria ente les torres de defensa, varíen ente 8,80 y 16,40 metros d’anchor, de mou que los posibles asaltantes sedríen abatíos pel tiru cruzáu de los defensores.
Asina yera la muralla romana de Lugo, ciudá agora bimilenaria. Tienen pasao diecisiete sieglos, la so función militar caducó, les torres, sacante un restu en A Mosqueira, foron cayendo, abriéronse nueves puertes, qu’agora son diez, la población estendióse estramuros… Pero’l perímetru consérvase completu, y entá se puen ver 71 cubos hasta’l nivel del adarve que dan a esta tremenda fortaleza el so calter inconfundible. De les puertes orixinales consérvense tres con pocos cambeos, y una, la Puerta Miñá, consérvase como se construyó. Dalgunes de les escaleres d’accesu de la guarnición tán güei a la vista. L’adarve, que tien un anchor d’unos cuatro metros, ye un paséu tradicional estraordinariu, al que s’entra per escaleres relativamente modernes apegaes al paramentu interior. Pel día ye’l meyor mirador sobre la ciudá vieya, romana, medieval, barroca y lliberal; pela nueche, gracies a una illuminación discreta, ye un paséu bien poéticu arrodiáu de munchu misteriu.
Horariu
Abierto tol añu
Centru d’ Interpretación de la Muralla
La muralla tien diez puertes; pero agora hai tamién una undécima puerta abierta al so conocimientu. El Centru d’Interpretación de la Muralla ta asitáu nel númberu 11 de la Praza do Campo, nel corazón del Lugo romanu. Na planta baxa d’esta guapa casa barroca ta la Oficina Municipal d’Información Turística; los tres pisos altos ufren un viaxe nel tiempu afayáu poles más avannzaes teunologíes audiovisules.
Praza do Campo, 11
27001 Lugo
Coordenaes GPS:
Llatitú 43.0100626
Llonxitú -7.5607087
Horariu
- Llunes, martes y miércoles de 11:00 a 14:00 hores y de 16:00 a 18:00 hores.
- De xueves a domingu de 11:00 a 18:00 hores.
La ponte romana
Na vía romana XIX que comunicaba Lugo con Braga, los romanos tuvieron que construyir una ponte bien llarga pa cruciar el ríu Miño. Na Baxa Edá Media la ponte sufrió restauraciones y remociques, y na Edá Moderna tamién hubo que facer delles igües. A la fin, en 1893 fíxose otra modificación que desanició la so carauterística llomba central xenerada pol cambéu de rasante de la doble pendiente. Sicasí, los fundamentos de la ponte d’anguaño –llamada vieya o romana– entá son en bona parte los orixinales. La llamada Calzada de la Ponte va baxando dende la Porta Miñá de la muralla hasta esa ponte. Esta calzada romana foi depués, y tovía lo ye, parte del Camín Primitivu de peregrinación a Santiago.
Rúa Río Miño
27004 Lugo
Coordenaes GPS:
Llatitú 43.0018853
Llonxitú -7.5657442
Horariu
Abierto tol añu
Termes romanes
Los restos de los baños romanos de Lugo, declaraos monumentu histórico-artísticu en 1931, tán dientro de les instalaciones del Hotel Balneario, apegáu al Miño, y son d’accesu llibre al públicu. La parte conservada más notable ye’l apodycterium, estancia na que se desvistíen los usuarios. En primer llugar, vese una gran sala con un firme d’opus signinum, compuesto de fragmentos de teyes y lladriyu con cal. No fondero hai dos puertes n’arcu que dan pasu a dos estancies, dambes cubiertes de bóvedes y col suelu de llábanes de pizarra. Nes parés puen vese dieciocho urnes con arcu, tamién de mediu puntu, que facíen les veces d’armarios pa guardar la ropa.
Rúa Camiño do Balneario s/n
27004 Lugo
Coordenaes GPS:
Llatitú 43.001596
Llonxitú -7.5630594
www.balneariodelugo.com
Teléfonu: +34 982 221 228
balneario@balneariodelugo.com
Horariu
- 16 d’avientu – 1 marzu: miércoles de 9:30 h a 13:30 h.
- Restu l’añu: De 9 a 21 h (domingos de 9 a 13 h)
Santlla de de Bóveda
Nel añu 1926, depués de sieglos d’enterramientu, descubrióse a un llau de la ilesia parroquial de Santa Eulalia o Santalla de Bóveda, a unos catorce kilómetros de Lugo, un conxuntu monumental tardorromanu estraordinariu que cinco años más tarde foi declaráu Monumentu Nacional. Dende entós, formuláronse diverses hipótesis sobre’l so usu orixinal, sin que, de momentu, se diera un acuerdu unánime. Una de les más atrayentes, anque güei mui poco creyible, ye la de que se tratara d’un templu priscilianista. Lo que sí ye cierto ye que se trata d’un edificiu singular y únicu que nun paez tener paralelos, polo menos na metá occidental del Imperiu Romanu.
En xeneral, predomina la creyencia de que foi un templu dedicáu a dalguna divinidá venceyada coles agües, probablemente a les ninfes, ensin qu’esto escarte una función profiláutica práutica. Construyiríase nel sieglu III o IV. En dómines posteriores, el recintu paganu cristianizóse y usóse como ilesia. D’esta segunda etapa conserva dalgunos elementos que puen pertenecer a la época sueva y visigótica. L’edificiu orixinal, con estructura de templu in antis, tenía dos plantes. De la superior queden namás vestixos del arranque de la bóveda, pero la inferior consérvase casi entera. Tien namás una fachada, pues el templu construyóse rebaxando la fastera d’una llomba pequeña. Embaxo una única bóveda, organízase en tres naves dividíes por arcaes, con un nichu o ábside rectangular al fondu; na nave central hai una piscina que recoyía’l fontán Les pintures de la bóveda consérvense en bona parte, y les naves perguapes úfrense a la contemplación en casi tol so esplendor depués de casi dos milenios. La fachada y el pórticu sedríen modificaos en dómina cristiana, pero conserven unos relieves en granitu probablemente orixinales. L’aldea central de Santalla tien tamién gran interés poles sos cases de llabranza construyíes en granitu y pola so ordenación.
Bóveda de Mera, s/n
27233 Bóveda de Mera – Lugo
Coordenaes GPS:
Llatitú 42.9681352
Llonxitú -5.7921077
Horariu
Del 16 de setiembre al 15 de xunu
- De martes a vienres: De 8:00 a 15 hores
- Sábadu: de 10:00 a 14 hores
- Domingos, llunes y festivos: pesllao
Del 16 de xunu al 15 de setiembre
- De martes a vienres: de 8:30 a 14:30 hores
- Sábadu: de 10:00 a 14:00 hores
- Domingu, llunes y festivos: pesllao
Muséu Provincial
Importante muséu arqueolóxicu y de pintura, escultura y artes menores. Gran coleición d’orfebrería prerromana. Inclúi’l claustru románicu, el refeutoriu y la cocina del antiguu conventu franciscanu.
Praza da Soidade s/n
27001 Lugo
Coordenaes GPS:
Llatitú 43.0113836673
Llonxitú -7.5588182863
www.redemuseisticalugo.org
Teléfonu: +34 982 242 112
info@museolugo.org
Horariu
- Llunes a vienres: 9:00 a 21:00 h.
- Sábados: 10:30 a 14 y de 16:30 a 20 h.
- Domingos y festivos: 11 a 14 h.
Sala d’esposiciones Porta Miñá
Esposición permanente sobre los oríxenes romanos de la ciudá, col monolitu fundacional y munches otres pieces de gran interés.
Rúa do Carmen, s/n
27004 Lugo
Coordenaes GPS:
Llatitú 43.0098356
Llonxitú -7.5631814
Horariu
- De xueves a sábadu: 11:30 a 13:30 h y de 17:00 a 19:00 h.
- Domingu: 11:30 a 13:30 h.
- Pesllao: Llunes, martes y miércoles
Casa de los Mosaicos – Batitales
Instalación museística y audiovisual sobre los restos arquiteutónicos y decorativos d’una gran domus romana, llamada Domus Oceani pol motivu principal del mosaicu del oecus o sala de receición d’esta mansión.
Doutor Castro, 20-22
27001 Lugo
Coordenaes GPS:
Llatitú 43.0104886
Llonxitú -7.5592262
www.lugo.gal
Teléfonu: +34 982 254 815
cultura@concellodelugo.org
Horariu
Temporada de branu (del 16 de xunu al 15 d’ochobre)
- De martes a sábadu de 11:00 a 13.30 hores y de 16:00 a 19:30 hores
- Domingu de 11:00 a 14:00 hores
- Horariu especial d’apertura el 6 d’ochobre (festivu lllocal) de 11:00 a 13.30 hores y de 16:00 a 19:30 hores
Temporada d’iviernu (dende’l 16 de octubre)
- De xueves a sábadu:
De 11:30 a 13:30 hores
De 17:00 a 19:00 hores - Domingu de 11:30 a 13:30 hores
Centru Arqueolóxicu San Roque
Musealización in situ de los restos d’una necrópolis romana, un estanque ritual y un fornu cerámicu, con instalación audiovisual.
Emilio Pardo Bazán, s/n
Entrada pel xardín de San Roque
27003 Lugo
Coordenaes GPS:
Llatitú 43.0092018
Llonxitú -7.5535656
www.lugo.gal
Teléfonu: +34 982 801 105
cultura@concellodelugo.org
Horariu
- De xueves a sábadu de 11:30 a 13:30 hores y de 17:00 a 19:00 hores
- Domingu de 11:30 a 13:30 hores
AGOSPIOS
SHIKU HOSTEL
RUA NOREAS 2- 27001 LUGO
982229935
www.shikuhostel.com
info@shikuhostel.com
HOSTEL CROSS
CRUZ 14 – 27001 LUGO
marcoskarrusel@gmail.com
HOTEL DARIO
RUA DO FRANCO 12-14 – 27003 LUGO
982203483
www.hoteldario.es
info@hoteldario.es
METROPOL
MIGUEL DE CERVANTES, 58 – 27003 LUGO
982813597
hotelmetropol@carrishoteles.com
CEAO EXPRESS
RÚA DOS CANTEIROS, O CEAO – 27003 LUGO
982209999
hotelceaoexpress@mundo-r.com
LOS OLMOS
N-VI, KM. 505- 27296 LUGO
982200032
www.hotellosolmos.com
hotellosolmos@infonegocio.com
PUERTA SAN PEDRO
RÍO NEIRA, 29 – 27002 LUGO
982222381
www.exepuertadesanpedro.com
info@exepuertadesanpedro.com
CIUDAD DE LUGO
CARRIL DAS HORTAS, 29 – 27002 LUGO
982284707
www.ciudaddelugo.com
hotel@ciudaddelugo.com
BALNEARIO DE LUGO
BARRIO DA PONTE, S/N- 27004 LUGO
982221228
www.balneariodelugo.com
balneario@balneariodelugo.com
GRAN HOTEL LUGO
AVDA. DE RAMON FERREIRO, S/N – 27002 LUGO
982224152
www.granhotellugo.com
direccion@granhotellugo.es
MENDEZ NUÑEZ
RAÍÑA, 1 – 27001 LUGO
982230711
www.hotelmendeznunez.com
hotel@hotelmendeznunez.com
PAZO DE ORBAN E SANGRO
TRAVESÍA DO MIÑO Nº6 – 27001 LUGO
982240217
info@pazodeorban.es
TORRE DE NÚÑEZ
N-VI KM,496 – 27160 CONTURIZ LUGO
982304393
www.torredenunez.com
hotel@hoteltorredenunez.com
CELA
RDA. DA MURALLA,176- 27002 LUGO
982252405
portasantiago@mundo-r.com
ALBA
PRAZA CAMPO CASTELO, 31 – 27001
982226056
SAN ROQUE
PRAZA COMANDANTE MANSO, 11- 27002 LUGO
982222700
hostalsanroque@gmail.com
BRIOS
RUA LAXEIRO 6 – 27002 LUGO
982241408
www.hostalbrios.com
brioscom@yahoo.es
Pensión 3*-Cafetería
FISTERRA
AVDA.DE LA CORUÑA, 223 – 27003 LUGO
982801355
RESTAURANTES
VENTORRO 2
POLIG. SAGRADO CORAZÓN 1 – 27003 LUGO
pizgalugo_@hotmail.com
VINOS Y MAS
AVDA. DAS AMERICAS, 72 – 27004 LUGO
982819557
miguelrodie@hotmail.com
VINTAGE
PLAZA CAMPO CASTILLO, 36 – 27001 LUGO
610122634
juan_vil@hotmail.com
VIVERO
RÚA NICOMEDES PASTOR DÍAZ, 35 – 27001 LUGO
982253058
info@restaurantevivero.com
Oficina de Turismu
Praza do Campo, 11
27001 Lugo
Coordenaes GPS:
Llatitú 43.0100773
Llonxitú -7.5606796
www.lugo.gal
Teléfonu: +34 982 251 658
lugoturismo@concellodelugo.org
Horariu
Iviernu
- Llunes, martes, miércoles: 11:00 a 14:00 h – 16:00 a 18:00 h
- Xueves y domingu: 11:00 a 18:00h.
Branu
- Llunes, martes y miércoles: 11:00 a 13:30 h – 17:00 a 19:30 h
- De xueves a sábadu: 11:00 a 19:30h
- Domingu: 11:00 a 18:00 h