Marvão ye una villa histórica medieval, asitiada nel Distritu de Portalegre, rexón del Alentejo, situada no cimero d’un cantil rocosu de la Sierra de Sapoio, a una altitú de 860 metros.
La comarca de Marvão ye un municipiu con 154,90 km² d’área y 3 512 habitantes. La villa de Marvão tien cerca de 105 habitantes.
El cumal rocosu nel que ta llantada la villa y les fortificaciones de Marvão señalóse yá nel sieglu X na obra del historiador cordobés Isa de Ibn Áhmad ar-Rázi col nome d’Amaia de Ibn Maruán y por Fortaleza de Amaia, ente otres denomaciones. Ibn Maruán foi un muladí, de noble estirpe emeritense, destacáu como caudillu rebelde contra l’Emiratu de Córdoba, nel últimu cuartel del s. IX. L’invencible monte sirvió de contino, a lo llargo la historia, de refuxu fortificáu. Esta utilización de fortaleza foi la que tamié-y dio Ibn Maruán nos 876/877, nome del que vien l’actual topónimu Marvão.
La forma na que les muralles y les torres s’integren nes parés rocoses faen de Marvão un conxuntu homoxeneu ente la obra humana y la so mesma topografía. Los principales puntos d’interés son, ensin dulda, el castiellu de Marvão y la so muralla imponente, el Muséu Municipal, la Casa de Cultura, el Muséu y les Ruines Romanes de la Ciudá d’Ammaia, la Ponte Quinhentista y la piscina y la playa fluvial del ríu Sever asitiaes en Portagem. Asitiáda nel Parque Natural da Serra de S. Mamede, la rexón de Marvão tien una fauna, una flora y una guapura paisaxística úniques. Amás, senderos y valles fragosos y granibles crucien la comarca de Marvão, y ufren escelentes condiciones pa facer senderismu, montar en bicicleta o a caballo.
No que cinca a los eventos culturales realizaos en Marvão, los que más llamen l’atención son la Feria de la Castaña, el Festival Islámicu Al Mossassa hermanáu con Badajoz, el Festival Internacional de Música Clásica y el Festival Internacional de Cine. Amás, collaboren colos vecinos estremeños de Valencia d’Alcántara en dellos eventos culturales y deportivos, onde destaca la Boda Regia, matrimoniu ente’l Rei D. Manuel l’Afortunáu y la Infanta Isabel d’Aragón
La gastronomía de Marvão ye mui tradicional y demientres l’añu, el municipiu entama dellos eventos gastronómicos, como les Comides d’Aceite, del cabritu y del corderu, del bacaláu, de la castaña y de la caza. Los postres más conocíos son los dulces de castaña y les boleimas de manzana ente otros.
En materia d’artesanía, Marvão presenta los tradicionales bordaos col oriciu la castaña.
Un paisaxe de 360º tan ampliu como la mirada acolumbra! Asina ye Marvão. El ritmu del pueblu ta marcáu polo llatíos del corazón del Parque Natural de la Sierra de S. Mamede, onde’l raigañu de la humanización s’entemez cola naturaleza dando forma a un paisaxe idílicu que lu arrodia dende tolos ángulos.
Nesti momentu tán en procesu dos candidatures a patrimoniu de la Humanidá: la de “Fortalezas Abaluartadas de la Raya”, una candidatura conxunta con Elvas, Almeida y Valença y la “Candidatura a patrimoniu inmaterial del Vinu del Pote”, na que’l pueblu tamién participa xunto con otros 20 municipios
Marvão pa ver, sentir, esfrutar y non escaecer.
AMMAIA – Marvão, Portugal
Ciudad d’ Ammaia
La ciudá d’Ammaia ye ensin dulda el vestixu más importante de la so dómina na zona norte del Alentejo. Asitiada nel corazón del Parque Natural de la Sierra de São Mamede, en São Salvador de Aramenha, nel municipiu de Marvão, la so parte central ta constituyida pola Quinta do Deão y la Tapada da Aramenha, con una superficie d’al rodiu de 25 hectárees.
Anque’l so conxuntu se clasificó como Monumentu Nacional en 1949, quedó abandonáu hasta finales de 1994. Dende esi momentu, y cola apaición de la Fundación Ciudá de Ammaia, fízose tolo posible pa estudiar y preservar lo que queda d’esta ciudá tan importante. Ammaia algamó la categoría de Civitas alredor del 44/45 d. C. y consiguió l’estatus de Mvnicipivm demientres el sieglu I d. C. Sicasí, namás tenemos datos sobre ella nel reináu de Lucio Vero, en 166 d.C.
Asina, pue estudiase tola la rede urbana d’una ciudá romana gracies a la identificación d’estrutures perimportantes como’l podiu d’un templu, probablemente del sieglu I, y la esistencia de baños públicos y otres estructures doméstiques.
Esiste un muséu de sitiu, el Muséu Monográficu de la Ciudá d’Ammaia, cola fin d’amosar la vida cotidiana de la población que vivía equí, y tamién de los diversos oxetos que s’atoparon ya inventariaron, contando con una piedra de aniellu con símbolos xudíos (Menorah, Lulav, shofar e ethrog) y una de les más importantes coleiciones de cristales romanos de la Península Ibérica.
Una gran parte de la superficie ocupada poles ruines atópase en terrenos de la Fundación Ciudá d’Ammaia, que tien como oxetivu principal l’estudiu, recuperación y caltenimientu d’esti Monumentu Nacional tan importante.
Estrada da Calçadinha 4
7330-318 São Salvador de Aramenha, Marvão
Coordenaes GPS:
Llatitú 39.3701254
Llonxitú -7.3880976
www.ammaia.pt
Teléfonu: +351 245 919 08
ammaia@ammaia.pt
Horariu
De llunes a domingu de 9 a 12:30 h y de 14:00 a 17:30 h
Castiellu
El Castiellu de Marvão foi una fortificación estratéxica de detención d’ataques que mira a la frontera dende unos 13 km. Constituyó tamién un llugar de refuxu bien eficaz y un puntu d’observación y vixilancia estraoridnariu, yá que dominaba perclaro la segunda vía de penetración de los exércitos del país vecín más importante, ye dicir, dende Valencia d’Alcántara, una zona pergrande del Altu Alentejo que va de Badajoz al ríu Tajo. El so afitamientu estratéxicu ye claru: forma parte de la primera llinia de detención, post Tratado de Alcanizes, que va, nel actual Distritu de Portalegre, de Montalvão a Elvas.
Castelo de Marvão
7330, Marvão
Coordenaes GPS:
Llatitú 39.3968898
Llonxitú -7.382051
www.cm-marvao.pt
Teléfonu +351 245 909 138
castelo@cm-marvao.pt
Horariu
Abierto tolos díes de 10 a 17h
Câmara Velha – Casa da Cultura
La Câmara Velha foi l’edificiu de los Paços do Concelho, dende la so construcción nel reináu de D. Manuel (siglo XV/XVI), hasta 1956, añu nel que s’inauguraron les actuales instalaciones camareres. Podemos ver la coincidencia de la datación estilística del edificiu cola piedra d’armes manuelina y cola concesión del foral en 1512.
Ye un de los elementos más importantes de la arquiteutura civil de la villa y, al tiempu, l’edificiu más antiguu de la mesma, lo que, xunío al so allugamientu, atestigua la so importancia política y alministrativa al traviés de los tiempos. Asítiase na xuntura de tres cais (Cai de Cima, Rua das Puertas da Vila y Rua do Reló) qu’a la so vez proceden de les tres puertes del carcáu urbanu medieval (Puertes de Ródão, Puertes da Vila y Postigo del Torrexón). La xuntura constitúiese na plaza, la del Pelourinho (tamién llamada plaza de la Villa), teniendo al centru esti dispositivu d’aplicación de xusticia y símbolu del poder llocal, tamién el manuelinu.
Rua 24 de Janeiro nº1
7330-122 Marvão
Coordenaes GPS:
Llatitú 39.3936265
Llonxitú -7.378262
www.cm-marvao.pt
Teléfonu: +351 245 909 137
camara.velha@cm-marvao.pt
Horariu
- De llunes a domingu dende les 9:30 a 13:00 h y dende les 14:00 a les 17:30 h
Muséu Municipal
La Ilesia de Santa María, zarrada al cultu y n’avanzáu estáu de ruina, remocicóse pa la instalación del Muséu Municipal de Marvão.
La presentación de los restos bien variaos y de gran valir organizóse cola fin d’ufrir a la persona que lo visite un paséu pela historia del municipiu de Marvão, dende’l Paleolíticu hasta los tiempos de los nuestros guelos.
La presencia romana ta bien resxistrada nel Muséu Municipal poles cerámiques, metales, vidrios y documentos epigráficos. Les escavaciones que se fixeron na necrópolis romana de la Herdade de los Palomares y la Ciudá Romana d’Ammaia foron les fontes principales de la herencia espuesta.
Iglesia de Santa María
Largo de Santa Maria
7330-101 Marvão
Coordenaes GPS:
Llatitú 39.3948328
Llonxitú -7.3800912
www.cm-marvao.pt
Teléfonu: +351 245909132
museu.municipal@cm-marvao.pt
Horariu
Tolos díes sacante los llunes de 10:00 a 12:30 h y de 13:30 a 17:00 h
Oficina de Turismu
Rua de Biaxo s/n
7330 – 111 MARVÃO
www.marvao.pt – www.cm-marvao.pt
Teléfono: +351 245 909 131
turismo@cm-marvao.pt
Horariu
10:00 – 17:00 h (Pesllao’l 24 y 25 d’avientu)